Ngayong mas nakukuha ko na ang dahilan ng lahat
Sinusubukan lalo ang tatag ko sa pagharap
sitwasyong di nakatutuwa’y sunod-sunod nagaganap
Sinusukat ang pasensya sa problemang buhat-buhat
Ngunit sa lahat ng nangyayari ngayon sa akin
hindi naman lahat masama sa aking paningin
may mga nakatutuwang eksena at mga bagay pa rin
na marapat ko ring bigyan ng halaga at pansin.
Mga katrabahong di nang-iiwan sa tuwina,
Mga kaibigang nagpapalakas-loob ang suporta,
Mga kapamilya, walang sawang pagmamahal nila
Lahat sila’y dapat ipagpasalamat at ikatuwa.
Natuwa ka pa sa akin, sa una kong tula
Kaya ngayon, nilulubus-lubos ko na talaga
Galing sa pagbuo ng taludtod na tugma-tugma
Nagpapangiti ito sa akin, sana ay mapasaya ka.
